Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 532 Hüküm no: 817 Orijinal metin no: [66b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman b. Yahya ile Ahmed arasında tülbent ve basma ücretinden meydana gelen anlaşmazlığın giderildiği Ma‘rûz; Medîne-i Üsküdar’da Kefçe mahallesind e sâkin Süleyman b. Yahya nâm kimesne medîne-i mezbûre mahkemesinde meclis-i şer‘-i hatîrde es-Seyyid Ahmed b. el-Hâc Osman nâm kimesne mahzarında mezbûr es-Seyyid Ahmed târih-i i‘lâmdan bir sene mukaddem beyaz tülbendini mücessem yemeni basma ücretinden bâkī yirmi guruş zimmetinde hakkım olmağla taleb ederim deyü da‘vâ ve mezbûr es-Seyyid Ahmed cevâbında müdde‘î-i mezbûr zimmetinde yemeni basmak içün beş guruş kıymetli on değirmi tülbendimi istihlâk etmekle meblağ-ı merkūm beş guruşu taleb ederim deyü da‘vâ ve beynlerinde ba‘de-vukū‘ı’l-münâza‘a bâ-tavassut-ı muslihîn her biri da‘vâ-yı mezkûrelerinden meccânen fâriğler olup husûs-ı mezkûra müte‘allika âmme-i de‘âvîden her birimiz âharın zimmetini ibrâ ve ıskāt ve her birimiz ber-minvâl-i muharrer âharın ibrâsını kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 16 min-Zilka‘de sene 1205