Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 533 Hüküm no: 819 Orijinal metin no: [67a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hanım’ın Emine bt. Mustafa’ya olan borcunu ödediği Ma‘rûz; Medîne-i Üsküdar’da Aşcıbaşı mahallesinde sâkine mu‘arrefetü’z-zât Emine bt. Mustafa nâm hatun medîne-i mezbûrede mahfil-i bâbda meclis-i şer‘-i hatîrde kezâlik mu‘arrefetü’z-zât Hadice bt. Mehmed nâm hatun mahzarında târih-i i‘lâmdan dokuz ay mukaddem mezbûre Hadice Hatun’un emriyle emlâkinden işbu hâzıratü bi’l-meclis Nefîse bt. Mehmed nâm hatunun yediyle rehin olmak üzere bir tek altun bileziğini bana teslîm ve mezbûre Hatice Hatun içün yedimden istidâne ve kabz eylediği on guruş hakkımı mezbûre Hadice Hatun’dan taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on guruşu ba‘de’l-edâ zikr olunan rehni fekke mezbûre Hadice Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 28 min-Za sene 1205