Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 534 Hüküm no: 821 Orijinal metin no: [67a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Yanaki’yi bıçakla yaralayan Kostanti’nin cezalandırılması Ma‘rûz; Medîne-i Üsküdar’a tâbi‘ Kuzguncuk karyesinde mütemekkin ber-vech-i âtî bıçak yarasıyla sol uyluğu üzerinden mecrûh idiği lede’l-keşf ve’l-mu‘âyene zâhir olan Bakkāl Yanaki v. Tanaş nâm zimmî medîne-i mezbûrede mahfil-i bâbda meclis-i şer‘-i hatîrde Kostanti v. Yanaki nâm zimmî muvâcehesinde merkūm Kostanti zimmî târih-i i‘lâmdan bir gün mukaddem karye-i mezbûrede kable’l-mağrib bi-gayrı hakkın amden beyaz kabzalı bıçak ile sol uyluğum üzerinden darb ve cerh etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâta kādir olamayıp bi’t-taleb merkūm Kostanti zimmîye yemîn teklif olundukda yemînden nükûl etmekle mûcib-i şer‘îsi cerh-i mezkûrun ber’-i tam husûlüne tevkīf olunduğu bi’l-iltimâs huzûr-ı âlîlerine i‘lâm olundu. Fî 17 min-Z sene 1205