Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 535 Hüküm no: 822 Orijinal metin no: [67a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aktar İsmail’in tütüncü İsmail’e olan borcunu ödemesi Ma‘rûz; Mahmiye-i İslâmbol’da Duhânî el-Hâc İsmail b. İbrahim nâm kimesne medîne-i Üsküdar’da meclis-i şer‘-i hatîrde medîne-i mezbûrede Attâr İsmail b. Abdullah nâm kimesne mahzarında mezbûr Attâr İsmail bundan akdem yedimden iştirâ ve kabz eylediği vezn ve fiyâtı beynimizde ma‘lûm duhân semeninden üç bin beş yüz guruş zimmetinde hakkım olmağla hâlâ taleb ederim deyü da‘vâ ve mezbûr Attâr İsmail cevâbında fi’l-hakīka müdde‘î-i mezbûra ber-minvâl-i muharrer duhân semeninden üç bin beş yüz guruş zimmetinde deyni olduğunu ikrâr ü i‘tirâf etmeğin alâ-mûcebi ikrârihi meblağ-ı merkūm üç bin beş yüz guruşu müdde‘î-i mezbûr el-Hâc İsmail’e edâ ve teslîme mezbûr Attâr İsmail şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 2 min-M sene 1206