Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 539 Hüküm no: 829 Orijinal metin no: [67b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gemici Ali’nin beygiri ile Hüseyin b. Mustafa’nın odunlarını taşımak üzere anlaştığı halde vazgeçtiğinden peşin aldığı ücreti iade etmesi Ma‘rûz; Fi’l-asl vilâyet-i Anadolu’da Akçaşar kazâsına tâbi‘ Drarağzı? karyesinde sâkin Reis Hüseyin b. Mustafa nâm kimesne medîne-i Üsküdar’da mahfil-i bâbda meclis-i şer‘-i hatîrde Gemici Ali b. Mehmed nâm kimesne mahzarında mezbûr Ali târih-i i‘lâmdan iki ay mukaddem kazâ-i mezbûr civârında cebel-i mubâhdan maktû‘ olan hatabımı kazâ-i mezbûr iskelesine bârgir ile nakl içün kırk bir buçuk guruş ücret-i müsemmâyı peşîn yedimden ahz ü kabz edip hatabı naklden imtinâ‘ eylediğine binâen meblağ-ı merkūm kırk buçuk guruşun yirmi dokuz guruşunu yedinden ahz ü kabz, on iki buçuk guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihi meblağ-ı bâkī-i merkūm on iki buçuk guruşun edâsıyla mezbûr Ali ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-M sene 1206