Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 542 Hüküm no: 833 Orijinal metin no: [68a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman b. İbrahim’i taşla yaralayan Ali b. Ömer’in cezalandırılması Ma‘rûz; Medîne-i Üsküdar’da Büyükiskele’de kayıkcı tâifesinden olup sağ kulağı altından ve sol kulağı üzerinden taş yarasıyla mecrûh ve meşcûc idiği lede’l-keşf ve’l-mu‘âyene zâhir olan Osman b. İbrahim nâm kimesne medîne-i mezbûrede mahfil-i bâbda meclis-i şer‘-i hatîrde Ali b. Ömer nâm kimesne mahzarında mezbûr Ali târih-i i‘lâm günü medîne-i mezbûrede zikr olunan iskelede ba‘de’z-zuhr kebîr taş ile bi-gayrı hakkın amden sağ kulağım altından darb ve cerh ve sol kulağım üzerinden dahi kezâlik taş ile darb ve cerh ve hâşimeten şecc etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-ikrâr mûcebiyle cerh-i mezkûrun ve şecc-i merkūmun mûcib-i şer‘îleri ber’-i tam husûlüne tevkīf olunduğu bi’l-iltimâs huzûr-ı âlîlerine i‘lâm olundu. Fî 10 min-M sene 1206