Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 544 Hüküm no: 836 Orijinal metin no: [68b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Cebrail’in borcunu ödemesi Ma‘rûz; Vilâyet-i Anadolu’da Kırşehr-i Keskin kazâsında sâkin Mehmed b. Mehmed’in oğlu ve tarafından ber-vech-i âtî taleb ve da‘vâ ve husûmet ve ahz-ı deyne vekîl olduğu Ali b. Ömer ve Mustafa b. Veli nâm kimesne şehâdetleriyle sâbit olan Musa b. el-mezbûr Mehmed medîne-i Üsküdar’da mahfil-i bâbda meclis-i şer‘-i hatîrde İbrahim b. Cebrail nâm kimesne mahzarında mezbûr İbrahim bin yüz doksan dört senesi Muharremi’l-harâm’ı gurresi târihiyle müverrah yedimde olan işbu bir kıt‘a temessüğü mantûkunca babam müvekkil-i mezbûr yedinden iktirâz ve kabz ve umûruna sarfla istihlâk eylediği elli guruş hakkı hâlâ zimmetinde olmağla bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm elli guruşun babası müvekkil-i mezbûr Mehmed içün oğlu mezbûr Musa’ya edâsıyla mezbûr İbrahim ilzâm olunduğu bi’l-iltimâs huzûr-ı âlîlerine i‘lâm olundu. Fî 10 min-M sene 1206