Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 544 Hüküm no: 837 Orijinal metin no: [68b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Mehmed’in borcunu ödemesi Ma‘rûz; Medîne-i Üsküdar’a muzâfe Yoros nâhiyesine tâbi‘ Ayvalı karyesinde sâkin Hüseyin b. Mehmed Ali nâm kimesne medîne-i mezbûrede mahfil-i bâbda meclis-i şer‘-i hatîrde diğer Hüseyin b. Ahmed nâm kimesne mahzarında mezbûr diğer Hüseyin târih-i i‘lâmdan dört sene mukaddem yedimden iştirâ ve kabz eylediği bir kıt‘a kara sığır ineği semeninden yirmi yedi buçuk guruş hakkımın on dört buçuk guruşunu yedinden ahz ü kabz, on üç guruşu zimmetinde hakkım bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihi meblağ-ı bâkī-i merkūm on üç guruşun edâsıyla mezbûr diğer Hüseyin ilzâm olunduğu bi’l-iltimâs huzûr-ı âlîlerine i‘lâm olundu. Fî 10 min-M sene 1206