Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 545 Hüküm no: 838 Orijinal metin no: [68b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın Bakırcı Sava’ya olan borcunu ödemesi Ma‘rûz; Bakırcı tâifesinden Sava v. Kostanti nâm zimmî medîne-i Üsküdar Bâb mahkemesinde meclis-i şer‘-i hatîrde mu‘arrefetü’z-zât Hammâmî Âişe bt. Süleyman nâm hatun mahzarında mezbûre Âişe Hatun târih-i i‘lâmdan bir sene mukaddem vezn ve fiyâtı beynimizde ma‘lûm yedimden iştirâ ve kabz eylediği evânî-i nuhâsiye semeninden ba‘de-külli’l-hesâb otuz bir guruş yirmi beş para hakkım mezbûre Âişe Hatun zimmetinde bâkī kalmağla hâlâ taleb ederim deyü da‘vâ ve mezbûre Âişe Hatun cevâbında meblağ-ı bâkī-i merkūm deyni olduğunu ikrâr ü i‘tirâf edip târih-i i‘lâm şehri gāyetinde müdde‘î-i merkūm Sava zimmîye edâ ve teslîme ta‘ahhüd eyledikde ol dahi râzı olup kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 9 min-M sene 1206