Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 546 Hüküm no: 840 Orijinal metin no: [68b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hanım’ın Ali Odabaşı’dan alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Selmanağa mahallesinde sâkine mu‘arrefetü’z-zât Fatıma bt. Mustafa nâm hatun mahfil-i bâbda meclis-i şer‘-i hatîrde Ali Odabaşı b. Abdurrahman nâm kimesne mahzarında mezbûr Ali Odabaşı târih-i i‘lâmdan altı sene mukaddem sulbî sagīr oğlu Osman’ı irzâ‘ içün beher şehr beş guruş ücret kavliyle beni istîcâr ben dahi sagīr-i merkūmu on dört ay irzâ‘ etmemle şühûr-ı mezkûrede müstahıkka olduğum cem‘an yetmiş guruş ücretimin on guruşunu yedinden ahz ve altmış guruşu mezbûr Ali Odabaşı zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyândan izhâr-ı acz edip talebiyle mezbûr Ali Odabaşı gıbbe’t-tahlîfi’ş-şer‘î mûcebiyle müdde‘iye-i mezbûre Fatıma Hatun husûs-ı mezkûrda mezbûr Ali Odabaşı’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 12 min-M sene 1206