Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 546 Hüküm no: 841 Orijinal metin no: [68b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Mehmed’in İsteryo v. Zilyo’ya olan borcunu ödediği Ma‘rûz; Medîne-i Üsküdar’da Davudpaşa mahallesinde sâkin Mustafa b. Mehmed mahfil-i bâbda meclis-i şer‘-i hatîrde İsteryo v. Zelyo zimmî muvâcehesinde bundan akdem merkūm Esteryo zimmî yedinden iştirâ ve kabz eylediğim fiyâtı beynimizde ma‘lûm çanak yoğurdu ve kaymak semenlerinden yirmi dört guruş on iki para deynimi tamamen kendiye edâ ve teslîm etmiş iken tekrar benden meblağ-ı merkūm yirmi dört guruş on iki parayı ahz ü kabz etmekle tekrar ahz eylediği meblağ-ı merkūmu istirdâd ederim deyü eylediği da‘vâsından bâ-tavassut-ı muslihîn on guruş bedel-i makbûza sulh olup ziyâde müdde‘âsına müte‘allika âmme-i de‘âvîden merkūm İsteryo zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 4 min-Şevvâl sene 1205