Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 551 Hüküm no: 849 Orijinal metin no: [69b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çivizade Vakfı’nın Cabisi Mehmed Efendi ile vakıf işlerini görmeye vekil tayin ettiği Kütahyalı Sofu Molla Mehmed arasındaki anlaşmazlığın giderildiği Ma‘rûz; Mahmiye-i İslâmbol’da Cebehâne kurbünde vâki‘ Kabasakal mahallesinde merhûm Çivizâde Vakfı’nın Câbîsi sâhib-i arzuhâl Mehmed Efendi b. Ahmed nâm kimesne tarafından ber-vech-i âtî taleb ve da‘vâ ve lede’l-iktizâ sulh u ibrâya vekîl olduğu Ömer b. İbrahim ve el-Hâc Osman b. Mehmed nâm kimesneler şehâdetleriyle sâbit olan Hafız Mustafa Efendi b. İbrahim medîne-i Üsküdar’da mahfil-i bâbda meclis-i şer‘-i hatîrde derûn-ı arzuhâlde mezkûrü’l-ism Kütahyalı So[fu] Molla Mehmed b. Ali mahzarında târih-i i‘lâmdan beş sene mukaddem müvekkilim mezbûr Mehmed Efendi câbîsi olduğu evkāfların bi’l-cümle umûrlarını rü’yet içün tarafından mezbûr Sofu Molla Mehmed’i vekîl ol dahi vekâleten memûr olduğu bi’l-cümle evkāfın umûrunu rü’yet edip târih-i mezkûrda işbu bin iki yüz beş [sene]sinin Zilhicce’sine gelince icârâtından müctemi‘ ve makbûzu olup sahhu’l-bâkī zimmetinde yüz seksen altı guruşu hâsıl olmağla taraf-ı [vakf]? içün bi’l-vekâle taleb ederim deyü eylediği da‘vâsından bâ-tavassut-ı muslihîn on beş guruş bedel mukābelesinde sulh olup ziyâde müdde‘âsına ve işbu târih-i kitâba gelince beynlerinde ahz [ü] i‘tâ ve sâire müte‘allika âmme-i de‘âvîden mezbûr Molla Mehmed’in zimmetini bi’l-vekâle ibrâ ol dahi ( ) müvekkilim mezbûr Mehmed Efendi’nin zimmetini ibrâ ve ıskāt eyleyip her birimiz âharın ber-vech-i muharrer ibrâsını kabûl eyledi deyü takrîrini mezbûr Sofu Molla Mehmed ba‘de’t-tasdîk bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî ( ) min-Za sene 1205