Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 552 Hüküm no: 851 Orijinal metin no: [69b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hanım’ın vefat eden kocası Mehmed Nuri Ağa’nın Mehmed Ağa’ya olan borcunu ödemesi Ma‘rûz; Medîne-i Üsküdar’da Debbâğlar mahallesi sükkânından Mehmed Ağa b. Hüseyin nâm kimesne medîne-i mezbûrede mahfil-i bâbda meclis-i şer‘-i hatîrde zâtı mu‘arrefe Hadice bt. Mehmed nâm hatun mahzarında mezbûre Hadice Hatun’un zevci olup bundan akdem fevt olan Mehmed Nuri Ağa b. Abdullah zimmetinde bir re’s at semeninden bâ-temessük yüz guruş hakkım olup bir sene mukaddem hâl-i hayatında müteveffâ-yı mezbûr Mehmed Nuri Ağa deyn-i mezkûr yüz guruş ile üçümüz bir meclisde olduğumuz hâlde beni zevcesi mezbûre Hadice Hatun üzerine havâle-i mutlaka ile havâle ve her birimiz kabûl ve meblağ-ı merkūm yüz guruşun kırk bir guruşunu ahz ü istifâ ve elli dokuz guruşunu [guruşu] bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını el-Hâc Mehmed b. Muslu ve Hüseyin b. Hüseyin nâm kimesneler şehâdetleriyle muvâcehesinde vech-i şer‘î üzere isbât etmeğin mûcebiyle meblağ-ı bâkī-i merkūm elli dokuz guruşu müdde‘î-i mezbûr Mehmed Ağa’ya edâ ve teslîme mezbûre Hadice Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 14 min-M sene 1206