Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 554 Hüküm no: 854 Orijinal metin no: [70a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Horasancı Karabet’in Mehmed Emin’e olan borcunu ödemesi Ma‘rûz; Medîne-i Üsküdar’a muzâfe Adalar nâhiyesine tâbi‘ Semendire karyesinde sâkin Mehmed Emin b. İsmail medîne-i mezbûrede mahfil-i bâbda meclis-i şer‘-i hatîrde Horasancı Karabet v. Sayıcı nâm zimmî muvâcehesinde merkūm Kara[bet] zimmî târih-i i‘lâmdan yirmi beş gün mukaddem yedimden iştirâ ve kabz eylediği vezn ve fiyâtı beynimizde ma‘lûm yapı keteni semeninden on iki guruş otuz iki para hakkımı taleb ederim deyü da‘vâ ve mezbûr Karabet zimmî cevâbında müdde‘î-i mezbûra cihet-i mezkûreden ancak on iki guruş deyni olduğunu ikrâr ziyâde otuz iki parayı inkâr etmeğin müdde‘î-i mezbûr ber-vech-i muharrer ziyâde müdde‘âsını beyâna kādir olamayıp talebiyle merkūm Karabet zimmî gıbbe’t-tahlîfi’ş-şer‘î mûcebiyle müdde‘î-i mezbûr ziyâde müdde‘âsı içün bilâ-beyyine mu‘ârazadan ba‘de’l-men‘ merkūm Karabet zimmî mukırr u mu‘terif olduğu on iki guruşu müdde‘î-i mezbûra edâ ve teslîme merkūm Karabet zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 17 min-M sene 1206