Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 555 Hüküm no: 857 Orijinal metin no: [70a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hasan’ın elli kuruş değerindeki saatinin Zenciye Fatma tarafından çalındığı yolundaki iddiasını ispatlayamadığı Ma‘rûz; Medîne-i Üsküdar’da Tenbel el-Hâc [Mehmed] mahallesinde sâkin es-Seyyid Hasan b. Hasan medîne-i mezbûrede mahfil-i bâbda meclis-i şer‘-i hatîrde mu‘arrefetü’z-zât Fatıma bt. Abdullah nâm Zenciye mahzarında mezbûre Zenciye Fatıma târih-i i‘lâmdan altı gün mukaddem ta‘âm tabh etmek içün menzilimde sâkine olup menzilim odasında yasdık üzerinde mevcûde emlâkimden elli guruş kıymetli bir sim sâ‘atimi hufyeten ahz etmekle hâlâ mevcûde ise aynını müstehleke ise ba‘de’s-sübût kıymet-i şer‘iyesini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûre Zenciye Fatıma gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûre Zenciye Fatıma’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 25 min-Ş sene 1205