Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 558 Hüküm no: 862 Orijinal metin no: [70b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer b. İbrahim’in Seyyid Mustafa Ağa’dan alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Davudpaşa mahallesinde handa misâfiren sâkin Ömer b. İbrahim mahfil-i bâbda meclis-i şer‘-i hatîrde es-Seyyid Mustafa Ağa b. Ahmed mahzarında mezbûr es-Seyyid Mustafa Ağa’ya târih-i i‘lâmdan iki ay mukaddeme gelince beher şehr onar guruş ücret kavliyle beş ay hizmet edip şühûr-ı mezkûrede müctemi‘a olan elli guruş ücretim ile beynimizde ma‘lûmü’l-vasf biniş semeninden on guruş ki cem‘an altmış guruşu hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyâna kādir olamayıp talebiyle mezbûr es-Seyyid Mustafa Ağa gıbbe’t-tahlîfi’ş-şer‘î mûcebiyle müdde‘î-i mezbûr Ömer husûs-ı mezkûrda mezbûr es-Seyyid Mustafa Ağa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 21 min-M sene 1206