Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 558 Hüküm no: 863 Orijinal metin no: [70b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın kardeşi Süleyman’a küfrettiğini söyleyerek şikâyetçi olduğu Mehmed Emin ve annesiyle sulh oldukları Ma‘rûz; Medîne-i Üsküdar’da Hacce Hatun mahallesinde sâkine ve zâtı mu‘arrefe Âişe bt. Hüseyin nâm hatun mahfil-i bâbda meclis-i şer‘-i hatîrde Mehmed Emin b. Osman nâm kimesne mahzarında mezbûr Mehmed Emin târih-i i‘lâm günü karındaşım Süleyman nâm sagīr ile mûcib-i ta‘zîr olur elfâz-ı kabîha ile irsâl ve ef‘âl-i şenî‘a isnâdıyla ithâm eylediğinden mâ‘adâ mezbûr Mehmed Emin’in vâlidesi gāibetü ani’l-meclis Hadice bt. Ali nâm hatun dahi dâimâ elfâz-ı kabîha ile şetm ve hetk-i ırz etmeleriyle mûcib-i şer‘îsini taleb ederim deyü tasaddî eyledikde beynlerinde ba‘de-vukū‘ı’l-münâza‘a bâ-tavassut-ı muslihîn fî-mâ ba‘d mezbûr Mehmed Emin müdde‘iye-i mezbûre Âişe Hatun’a hilâf-ı şer‘-i şerîf itâle-i lisân etmeyip ve kezâlik gāibe-i mezbûre Hadice Hatun dahi keff-i lisân edip müdde‘iye-i mezbûreyi tekdîr etdirmemek üzere zevci hâzır bi’l-meclis Osman Çelebi’den her biri ta‘ahhüd ve tekeffül eylediklerinde müdde‘iye-i mezbûre râzıye olup bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 18 M sene 1206