Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 562 Hüküm no: 869 Orijinal metin no: [71a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mimi v. Todoş’un hizmetini gören Sinanya bt. Angeli ile aralarındaki alacak verecek davasında sulh oldukları Ma‘rûz; Medîne-i Üsküdar’a muzâfe Kartal kasabasında mütemekkine ve şahsı mu‘arrefe Senaniye bt. Angeli nâm Nasrâniye medîne-i mezbûrede mahfil-i bâbda meclis-i şer‘-i hatîrde yine medîne-i mezbûreye tâbi‘ Kādı karyesinde mütemekkin Mimi? v. Todoş nâm zimmî muvâcehesinde târih-i i‘lâmdan yedi sene mukaddem merkūm Mimi zimmînin karye-i mezbûrede vâki‘ menzilinde ellişer guruş ücret kavliyle üç sene zevcesi Rali Nasrâniye ile anasına ve kız karındaşına hizmet edip sinîn-i mezkûrede müstehak olduğum hâlâ yüz elli guruş ücretimi taleb ederim deyü eylediği da‘vâsından bâ-tavassut-ı muslihîn yirmi guruş bedel-i makbûz mukābelesinde merkūm Mimi zimmî ile sulh olup ziyâde müdde‘âsı olan yüz otuz guruşa ve bi’l-cümle husûs-ı mezkûra müte‘allika âmme-i de‘âvîden merkūm Mimi zimmînin ( ) Rali Nasrâniye’nin zimmetlerini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 16 min-M sene 1206