Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 563 Hüküm no: 870 Orijinal metin no: [71a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seferağa Hanı Odabaşısı Ali ile Hancı Agob’un asker taifesinden Ahmed’in kılıcını çaldıkları yolundaki iddianın ispatlanamadığı Ma‘rûz; Medîne-i Üsküdar’da Zincirlikapı kurbünde vâki‘ Seferağa Hanı’nda sâkin askerî tâifesinden el-Hâc Ahmed b. İsmail ve Mustafa b. Ali nâm kimesneler mahfil-i bâbda meclis-i şer‘-i hatîrde hân-ı mezkûr Odabaşısı Ali b. Abdullah ile Hancı Agob v. Avanis nâm kimesneler mahzarlarında târih-i i‘lâmdan bir gün mukaddem hân-ı mezkûrun mukaffel odasında mevcûd mezbûr el-Hâc Ahmed’in on sekiz guruş kıymetli bir sîmli kılıcı zâyi‘ olup mezbûrân Ali ve Agop hufyeten ahz etmeleriyle taleb ederiz deyü her biri ba‘de’d-da‘vâ ve’l-istintâk ve’l-inkâr müdde‘iyân-ı mezbûrân ber-vech-i muharrer müdde‘âlarını isbâta kādirler olamayıp talebleriyle mezbûrân Ali ve Agob’dan her biri gıbbe’t-tahlîfi’ş-şer‘î mûcebiyle müdde‘iyân-ı mezbûrân husûs-ı mezkûr içün mezbûrân Ali ve Agob’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 5 min-Safer sene 1206