Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 566 Hüküm no: 877 Orijinal metin no: [71b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Papa Serkiz’in borcunu ödemesi Ma‘rûz; Mahmiye-i İslâmbol’da Sandal Bezistânı’nda mütemekkin arzuhâl eden Sahak v. Avanis nâm zimmî tarafından ber-vech-i âtî vekîl olduğu Halil Ağa b. İsmail nâm kimesne ile Haçador v. Biros nâm zimmî şehâdetleriyle sâbit olan Karabet v. İstefan nâm zimmî medîne-i Üsküdar’da mahfil-i bâbda meclis-i şer‘-i hatîrde derûn-ı arzuhâlde mezkûrü’l-ism Papa Serkiz v. Bedros nâm zimmî muvâcehesinde merkūm Serkiz zimmî târih-i i‘lâmdan iki buçuk sene mukaddem müvekkil-i merkūm Sahak yedinden iştirâ ve kabz eylediği fiyâtı beynimizde ma‘lûm emti‘a semeninden bâkī otuz guruş zimmetinde hakkı olmağla bi’l-vekâle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i vekîl-i merkūm Karabet zimmî ber-vech-i muharrer müdde‘âsını beyândan izhâr-ı acz birle merkūm Papa Serkiz zimmîye yemîn teklif olundukda yemînden nükûl etmeğin mûcebiyle meblağ-ı bâkī-i merkūm otuz guruş müvekkil-i merkūm Sahak zimmî içün vekîl-i merkūm Karabet zimmîye edâ ve teslîme merkūm Papa Serkiz zimmîye tenbîh olunduğu mübâşiri çavuş kulları iltimâsıyla huzûr-ı âlîlerine i‘lâm olundu. Fî 24 min-M sene 1206