Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 567 Hüküm no: 879 Orijinal metin no: [71b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Mustafa’nın borcunu ödemesi Ma‘rûz; Medîne-i Üsküdar’da Büyük İskele’de Hammâl İbrahim b. Veli nâm kimesne medîne-i mezbûrede mahfil-i bâbda meclis-i şer‘-i hatîrde Hammâl Hasan b. Mustafa muvâcehesinde mezbûr Hasan târih-i i‘lâmdan iki sene mukaddem yedimden iştirâ ve kabz eylediği keyl ve fiyâtı beynimizde ma‘lûm şa‘îr semeninden yirmi altı guruş hakkımın on altı guruşunu yedinden ahz ve on guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on guruşun müdde‘î-i mezbûr İbrahim’e edâsıyla mezbûr Hasan ilzâm olunduğu bi’l-iltimâs huzûr-ı âlîlerine i‘lâm olundu. Fî 12 min-S sene 1206