Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 568 Hüküm no: 880 Orijinal metin no: [72a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Mehmed’in Musa b. Abdullah tarafından kılıçla yaralandığı Ma‘rûz; Medîne-i Üsküdar’da Tütüncüler sûkūnda Yenihan’da kahveci olup ber-vech-i âtî kılıç yarasıyla meşcûc idiği lede’l-keşf ve’l-mu‘âyene zâhir olan Hüseyin b. Mehmed nâm kimesne medîne-i mezbûrede mahfil-i bâbda meclis-i şer‘-i hatîrde Musa b. Abdullah nâm kimesne muvâcehesinde mezbûr Musa târih-i i‘lâmdan bir gün mukaddem han oda[sı] önünde bi-gayrı hakkın hatâen kılıç ile başımın sağ tarafından bir yerinden darb ve muvâzzahaten şecc etmekle mûcibini taleb ederim deyü da‘vâ ol dahi ber-vech-i muharrer ikrâr ü i‘tirâf etmeğin mûcebiyle şecc-i mezkûrun mûcib-i şer‘îsi ber’-i tam husûlüne tevkīf olunduğu bi’l-iltimâs huzûr-ı âlîlerine i‘lâm olundu. Fî 8 min-S sene 1206