Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 569 Hüküm no: 882 Orijinal metin no: [72a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. İsmail’in Seyyid İbrahim’e emaneten bıraktığı altınlarını geri aldığı Ma‘rûz; Medîne-i Üsküdar’da Hasanağa mahallesinde sâkin Ali b. İsmail nâm kimesne meclis-i şer‘-i hatîrde es-Seyyid İbrahim b. Mehmed mahzarında târih-i i‘lâmdan altı sene mukaddem mezbûr es-Seyyid İbrahim yedine bi-tarîki’l-emâne teslîm eylediğim sekiz aded İslâmbol zer-i mahbûbu hâlâ yedinde olmağla taleb ederim deyü da‘vâ ve mezbûr es-Seyyid İbrahim cevâbında fi’l-hakīka sâlifü’z-zikr altunları bi-tarîki’l-vedî‘a ahzını ikrâr lâkin tamamen yedine teslîm etmiş idim deyücek mezbûr es-Seyyid İbrahim husûs-ı mezkûrda yemîniyle tasdîk olunur ümenâdan olup üzerine redd ü damân lâzım gelmediğine gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr es-Seyyid İbrahim’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 3 min-S sene 1206