Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 572 Hüküm no: 888 Orijinal metin no: [72b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. İbrahim’in kendisini değnek ile yaralayan Mustafa ile sulh olduğu Ma‘rûz; Medîne-i Üsküdar’da Kefçe mahallesinde sâkin olup ber-vech-i âtî değnek yarasıyla meşcûc idiği lede’l-keşf ve’l-mu‘âyene zâhir olan Hasan b. İbrahim nâm kimesne medîne-i mezbûrede mahfil-i bâbda meclis-i şer‘-i hatîrde Mustafa b. Abdi nâm kimesne muvâcehesinde mezbûr Mustafa târih-i i‘lâm günü medîne-i mezbûrede vâki‘ Vâlide-i Cedîd İmâreti [ö]nünde bi-gayrı hakkın amden değnek ile sol kaşımın üzerinden bir yerinden darb ve mütelâhimeten şecc etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-ikrâr müdde‘î-i mezbûr Hasan eylediği da‘vâsından dârib-i mezbûr Mustafa ile bir guruş bedel-i makbûza sulh olup şecc-i mezkûra ve mâ-yuhdesü minhe müte‘allika âmme-i de‘âvîden mezbûr Mustafa’nın zimmetini ba‘de’l-ibrâ ve’l-kabûl bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 14 min-S sene 1206