Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 573 Hüküm no: 889 Orijinal metin no: [72b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mustafa’nın boşadığı eşi Ümmügülsüm’ün nafaka ve mehrini ödemesi Ma‘rûz; Medîne-i Üsküdar’da Selami mahallesinde sâkine Ümmügülsüm bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde zevc-i mutallıkı es-Seyyid Mustafa b. İbrahim mahzarında ben mezbûr es-Seyyid Mustafa’nın yirmi guruş mehr-i müeccel tesmiyesiyle zevce-i medhûlün-bihâsı iken târih-i i‘lâmdan üç gün mukaddem beni tatlîk etmekle zimmetinde mütekarrir ve ma‘kūdun-aleyh olan mârrü’z-zikr yirmi guruş mehr-i müeccelim ile nafaka-i iddet-i ma‘lûmem ve meûnet-i süknâmı taleb ederim deyü ba‘de’d-da‘vâ ve’l-istintâk ve’l-ikrâr mûcebiyle mehr-i meblağ-ı merkūm yirmi guruş ile nafaka-i iddet-i ma‘lûme ve meûnet-i süknâsı’çün bi’t-terâzî takdîr olunan on üç buçuk guruş ki cem‘an otuz üç buçuk guruşun edâsıyla mezbûr es-Seyyid Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 10 min-S sene 1206