Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 574 Hüküm no: 891 Orijinal metin no: [72b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın boşandığı kocası Hüseyin ile mehir ve nafaka konusunda anlaştığı Ma‘rûz; Medîne-i Üsküdar’da Aşcıbaşı mahallesinde sâkine ve zâtı mu‘arrefe Âişe bt. Mehmed nâm hatun mahfil-i bâbda meclis-i şer‘-i hatîrde zevc-i sâbıkı Hüseyin b. Ömer mahzarında mezbûr Hüseyin yirmi guruş mehr-i müeccel tesmiyesiyle zevcim olup târih-i i‘lâmdan bir ay mukaddem beni tatlîk etmekle mehr-i mezkûrum yirmi guruş ile bakıye-i nafakamı hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle mehr-i müeccel-i merkūm yirmi guruşun edâsıyla mezbûr Hüseyin ilzâm olundukdan sonra müdde‘iye-i mezbûre Âişe hatun nafaka-i bakıye-i iddet-i ma‘lûme ve meûnet-i süknâsı’çün zevc-i mutallıkı mezbûr Hüseyin ile üç guruş üzerine terâzî eyledikleri bi’l-iltimâs huzûr-ı âlîlerine i‘lâm olundu. Fî 24 min-M sene 1206