Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 577 Hüküm no: 897 Orijinal metin no: [73a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Salih’in borcunu ödemesi Ma‘rûz; On nefer rençberin dayı ta‘bîr olunur reisleri Arnabud Süleyman b. İbrahim nâm kimesne medîne-i Üsküdar’da mahfil-i bâbda meclis-i şer‘-i hatîrde Mehmed Salih Efendi b. el-Hâc Ahmed Efendi nâm kimesne mahzarında târih-i i‘lâmdan on ay mukaddem medîne-i mezbûre hâricinde Üçpınar nâm mahâlde vâki‘ bir kıt‘a bağının çapa ve daldırma filiz ücretinden kırk üç buçuk guruş ve sene-i sâbıkāda kezâlik rençberlik ücretinden bâkī dokuz guruş ki cem‘an elli iki buçuk guruş hakkımın otuz iki guruşunu yedinden ahz edip bâkī yirmi buçuk guruş hakkım kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm yirmi buçuk guruşun edâsıyla mezbûr Mehmed Salih Efendi şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 18 min-S sene 1206