Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 577 Hüküm no: 898 Orijinal metin no: [73a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bodaser v. Mihal’in Ayan v. Abraham’ın vârislerinden para talep etmesinin geçersiz olduğu Ma‘rûz; Fi’l-asl vilâyet-i Anadolu’da Kayseriye kazâsına tâbi‘ Talas karyesinde sâkine Nargülü bt. Mihal nâm Nasrâniye’nin sadrî kebîr oğlu Bodos v. Mihail nâm zimmî medîne-i Üsküdar’da mahfil-i bâbda meclis-i şer‘-i hatîrde karye-i mezbûr sükkânından iken bundan akdem hâlik olan Ayan v. Abraham zimmînin verâseti sulbî kebîr oğulları Abraham ve Yordam ve sulbiye kebîre kızı Hıristin’e münhasıra olduğu ba‘de’t-tahakkuk merkūm Abraham zimmî muvâcehesinde hâlik-i merkūm Ayan zimmî sağlığında anam merkūme Nargülü Nasrâniye yedinden iştirâ ve kabz eylediği iki re’s bârgir semeninden bâ-temessük elli guruş hakkı olup kable’l-edâ hâlik olmağla ben merkūm Nargülü’nün mücerred oğlu olmamla meblağ-ı merkūm elli guruşu hâlik-i merkūmun tereke-i vâfiyesinden anam merkūme Nargülü Nasrâniye içün taleb ederim deyü tasaddî eylediği da‘vâsında merkūm Abraham zimmîye suâl dahi teveccüh etmediği bi’l-iltimâs huzûr-ı âlîlerine i‘lâm olundu. Fî 17 min-S sene 1206