Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 578 Hüküm no: 901 Orijinal metin no: [73b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha Hanım’ın boşandığı kocası Ahmed’in borcunu taksitle ödemesine razı olduğu Ma‘rûz; Medîne-i Üsküdar’da Vâlide-i Atik mahallesinde sâkine mu‘arrefetü’z-zât Zeliha bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde zevc-i sâbıkı Ahmed b. Mustafa nâm kimesne mahzarında mezbûr Ahmed bundan akdem yedimden istikrâz ve kabz eylediği kırk guruş zimmetinde hakkım olmağla taleb ederim deyü da‘vâ eyledikde ol dahi cevâbında fi’l-hakīka müdde‘iye-i mezbûreye cihet-i mezkûreden ol-mikdâr deyni olduğunu ikrâr lâkin hâlen edâya iktidârı olmayıp tecîl ve taksîte tâlib olmağın müdde‘iye-i mezbûre Zeliha Hatun dahi zevc-i sâbıkı mezbûr Ahmed’i târih-i i‘lâmdan beher şehr tamamında üçer guruşdan cem‘an on üç ay on gün tamamında edâ etmek üzere tecîl ve taksît eyledikde ol dahi ber-vech-i muharrer müdde‘iye-i mezbûreye müeccelen ve mukāssatan edâ ve teslîme ta‘ahhüd edip bu vechile kat‘-ı münâza‘a eyledikleri ba‘de’t-tescîl bi’l-iltimâs huzûr-ı âlîlerine i‘lâm olundu. Fî 27 min-Zilka‘de sene 1206 [1205?]