Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 579 Hüküm no: 902 Orijinal metin no: [73b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanaşma Dragos’un kendisini döven ustası Zoto aleyhine açtığı davadan vazgeçtiği Ma‘rûz; Medîne-i Üsküdar’da Selami mahallesinde vâki‘ simidci fırınında yanaşma Dragos v. Nazar nâm zimmî mahfil-i bâbda meclis-i şer‘-i hatîrde ustası Zoto v. Yorgo nâm zimmî muvâcehesinde merkūm Zoto zimmî târih-i i‘lâm günü ba‘de’z-zuhr dükkân-ı mezkûrda bi-gayrı hakkın sille ile yüzüme darb ve ırzımı hetk etmekle mûcib-i şer‘îsini taleb ederim deyü eylediği da‘vâsından bâ-tavassut-ı muslihîn meccânen fâriğ olup hakk-ı ta‘zîrine müte‘allika âmme-i de‘âvîden merkūm Zoto zimmînin zimmetini ibrâ ve ıskāt ol dahi ber-vech-i muharrer ibrâsını ba‘de’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 25 min-Safer sene 1206