Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 579 Hüküm no: 903 Orijinal metin no: [73b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Mehmed’i döven Seyyid Mehmed’e tazir cezası verilmesi Ma‘rûz; Medîne-i Üsküdar’da Turbali mahallesinde sâkin Bostanî Mehmed b. Hüseyin medîne-i mezbûrede mahfil-i bâbda meclis-i şer‘-i hatîrde es-Seyyid Mehmed b. Hasan mahzarında mezbûr es-Seyyid Mehmed târih-i i‘lâm günü medîne-i mezbûre hâricinde Kirişhâne nâm mahâlde ba‘de’z-zuhr bi-gayrı hakkın kebîr sopa ile amden sol kulağım üzerine ve omzuma ve arkama darb eylediğinden mâ‘adâ mûcib-i ta‘zîr olur elfâz-ı kabîha ile dahi bi’l-muvâcehe şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-ikrâr mûcebiyle mezbûr es-Seyyid Mehmed’e ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 26 min-Safer sene 1206