Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 580 Hüküm no: 904 Orijinal metin no: [73b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hanım’ın Molla Salih’den alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Aşcıbaşı mahallesinde sâkine mu‘arrefetü’z-zât Hadice bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde Molla Salih b. Mehmed nâm kimesne mahzarında târih-i i‘lâmdan on beş gün mukaddem hâlâ Varna’da sâkin gāib ani’l-beled oğlum Mehmed Emin’in bana teslîm etmek içün mezbûr Molla Salih’e bi-tarîki’l-emâne teslîm eylediği nakden on altı guruşu taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādir[e] olamayıp talebiyle mezbûr Molla Salih gıbbe’t-tahlîfi’ş-şer‘î mûcebiyle müdde‘iye-i mezbûre husûs-ı mezkûrda mezbûr Molla Salih’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 25 min-Safer sene 1206