Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 580 Hüküm no: 906 Orijinal metin no: [73b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Receb b. İsmail’in verdiği rüşveti geri almak için açtığı davaya itibar edilmediği Ma‘rûz; Medîne-i Üsküdar’da lâğımcı tâifesinden Receb b. İsmail nâm kimesne medîne-i mezbûrede meclis-i şer‘-i hatîrde Alâiye Sipâhî Neferâtı Alaybeyi Feyzullah Ağa b. Abdüllatif nâm kimesne mahzarında târih-i i‘lâmdan üç sene mukaddem ben vilâyet-i Rumeli’nde İbrail kazâsında lâğımcılık içün esnâf-ı mezkûre ma‘rifetiyle ta‘yîn olunmuş iken ric‘at edecek kendi neferâtının birinin izin tezkiresine benim ismimi dahi zam ve idrâc edip ol-vechile beni dahi tahlîs ve ric‘at etdirmek içün rüşvet nâmıyla yedine otuz guruş def‘ ü teslîm etmemle hâlâ istirdâd ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûr Feyzullah Ağa gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr Feyzullah Ağa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 25 min-Safer sene 1206