Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 581 Hüküm no: 907 Orijinal metin no: [73b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Petro ile Panayot’un alacak verecek davasında sulh oldukları Ma‘rûz; Medîne-i Üsküdar’a tâbi‘ Kuzguncuk karyesinde mütemekkin Bağçevân Petro v. Yani nâm zimmî medîne-i mezbûrede mahfil-i bâbda meclis-i şer‘-i hatîrde Panayot v. Mihal nâm zimmî muvâcehesinde bundan akdem ben beher şehr altışar guruş ücret kavliyle merkūm Panayot zimmînin bağçesinde kendiye üç ay hizmet etmemle şühûr-ı mezkûrede zimmetinde müctemi‘ olan on sekiz guruş ücret hakkımı taleb ederim deyü eylediği da‘vâsından bâ-tavassut-ı muslihîn on bir guruş bedel-i makbûza merkūm Panayot zimmî ile sulh olup ziyâde müdde‘âsına ve bi’l-cümle husûs-ı mezkûra müte‘allika âmme-i de‘âvîden merkūm Panayot zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 20 min-Safer sene 1206