Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 584 Hüküm no: 913 Orijinal metin no: [74b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Malamata v. Manol’un borcunu ödemesi Ma‘rûz; Medîne-i Üsküdar’da misâfiren mütemekkin saman sefînesi reislerinden Yani v. Kostanti nâm zimmî mahfil-i bâbda meclis-i şer‘-i hatîrde Malamata v. Manol zimmî muvâcehesinde merkūm Malamata zimmîye bundan akdem yelek dikmek içün ale’l-hesâb on bir guruş teslîm ve on bir guruşun dokuz guruşunu iki yeleğe mahsûb edip bâkī zimmetinde iki guruş ile bir ay mukaddem bir ‘alâ cizye kâğıdı içün bi’l-emr ve’l-kabûl kefâletime binâen cizyedâra dahi teslîm eylediğim on bir guruş ki cem‘an on üç guruşu hâlâ taleb ederim deyü da‘vâ ve merkūm Malamata zimmî cevâbında müdde‘î-i merkūma ancak bir guruş deyni olduğunu ikrâr, ziyâde on iki guruşu ba‘de’l-inkâr müdde‘î-i merkūm ziyâde müdde‘âsını beyâna kādir olamayıp talebiyle merkūm Malamata zimmî gıbbe’t-tahlîfi’ş-şer‘î mûcebiyle müdde‘î-i merkūm ziyâde müdde‘âsı olan on iki guruş içün merkūm Malamata zimmîye bilâ-beyyine mu‘ârazadan ba‘de’l-men‘ mertebe-i ikrârı olan bir guruşu müdde‘î-i merkūma edâsıyla ilzâm olunduğu bi’l-iltimâs huzûr-ı âlîlerine i‘lâm olundu. Fî 29 min-S sene 1206