Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 587 Hüküm no: 917 Orijinal metin no: [74b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha Hanım’ın dişini çıkaran Seyyid Mehmed ile diyeti karşılığında sulh olduğu Ma‘rûz; Medîne-i Üsküdar’da Selami mahallesinde sâkine ve zâtı mu‘arrefe sâhibe-i arzuhâl Zeliha bt. Osman nâm hatun Çarşamba günü Dîvân-ı âlî’de ba‘dehû Üsküdar mahkemesinde meclis-i şer‘-i hatîrde arzuhâlde ismi mezkûr es-Seyyid Mehmed b. Ahmed mahzarında mezbûr es-Seyyid Mehmed üç hafta mukaddem bi-gayrı hakkın menzilim kapısını kırıp menzilime duhûl ve bıçak ile üzerime hücûm ve eliyle ağzıma darb ve bir aded dişimi ihrâc etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre müdde‘âsını beyân ve isbâta kādire olamayıp tahlîf esnâsında beynlerine muslihûn tavassut edip müdde‘iye-i mezbûre eylediği da‘vâsından beş guruş bedel-i makbûza mezbûr es-Seyyid Mehmed ile an-inkârin sulh olup zikr olunan dişine ve diyetine ve bi’l-cümle husûs-ı mezkûra müte‘allika âmme-i de‘âvîden mezbûr es-Seyyid Mehmed’in zimmetini ba‘de’l-ibrâ ve’l-kabûl kat‘-ı münâza‘a eyledikleri mübâşiri kapıkethudâsı kulları iltimâsıyla huzûr-ı âlîlerine i‘lâm olundu. Fî 17 min-S sene 1206