Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 588 Hüküm no: 918 Orijinal metin no: [75a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hanım’ın kayığını izni olmadan satan Molla Hüseyin ile bedeli karşılığında sulh olduğu Ma‘rûz; Medîne-i Üsküdar’da Vâlide-i Atik mahallesinde sâkine mu‘arrefetü’z-zât Fatıma bt. Ali nâm hatun medîne-i mezbûrede mahfil-i bâbda meclis-i şer‘-i hatîrde Molla Hüseyin b. Veliyüddin mahzarında mezbûr Molla Hüseyin târih-i i‘lâmdan dört sene mukaddem medîne-i mezbûrede Balaban İskelesi kurbünde kayıkhânede merbût olan yirmi beş guruş kıymetli üç çifte ta‘bîr olunur bir kıt‘a kayığım ile on dört buçuk guruş kıymetli sâir âlâtını dahi yedimden isti‘âre ve bana pay ta‘bîr olunur hisse vermek içün a‘mâl üzere iken kayık-ı mezkûrumu fuzûlî âhara bey‘ ile istihlâk etmekle ba‘de’s-sübût kıymetlerini bi-tarîki’d-damân hâlâ taleb ederim deyü eylediği da‘vâsından bâ-tavassut-ı muslihîn on guruş bedel mukābelesinde mezbûr Molla Hüseyin ile sulh olup husûs-ı mezkûra ve ziyâde müdde‘âsı olan yirmi dokuz buçuk guruşa [müte‘allika] âmme-i de‘âvîden mezbûr Molla Hüseyin’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 29 min-S sene 1206