Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 589 Hüküm no: 920 Orijinal metin no: [75a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Protnos v. Nikola’nın Ali’den alacaklı olduğu yolundaki iddiasını ispatlayamadığı Ma‘rûz; Mahmiye-i İslâmbol’da Süleymaniye Câmi‘-i şerîfi kurbünde Bakkāl Protnos v. Nikola nâm zimmî medîne-i Üsküdar’da meclis-i şer‘-i hatîrde el-Hâc Ali b. el-Hâc Mustafa mahzarında mezbûr el-Hâc Ali târih-i i‘lâmdan beş sene mukaddem Haleblioğlu Ahmed Ağa’nın vekilharcı iken yedimden iştirâ ve kabz eylediği ecnâs-ı zehâir semeninden ba‘de-külli’l-hesâb üç yüz yetmiş bir guruş hakkımın üç yüz kırk dokuz guruşunu yedinden ahz ü istifâ ve yirmi iki guruşu zimmetinde bâkī kalmağla taleb ederim deyü eylediği da‘vâsını beyâna kādir olamayıp talebiyle mezbûr el-Hâc Ali gıbbe’t-tahlîfi’ş-şer‘î mûcebiyle müdde‘î-i merkūm husûs-ı mezkûrda mezbûr el-Hâc Ali’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 2 min-Ra sene 1206