Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 590 Hüküm no: 922 Orijinal metin no: [75a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Salih’in borcunu ödemesi Ma‘rûz; Medîne-i Üsküdar’a tâbi‘ Başıbüyüklü karyesi sükkânından Hasta Süleyman b. Hüseyin mahfil-i bâbda meclis-i şer‘-i hatîrde Mehmed Salih b. Mehmed Salih muvâcehesinde mezbûr Mehmed Salih târih-i i‘lâmdan dört sene mukaddem yedimden iştirâ ve kabz eylediği bir re’s kara sığır öküzü semeninden elli bir guruş hakkımın on dört buçuk guruşunu yedinden ahz ve otuz altı buçuk guruşu mezbûr Mehmed Salih zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm otuz altı buçuk guruşu müdde‘î-i mezbûr Hasta Süleyman’a edâsıyla mezbûr Mehmed Salih şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 29 min-S sene 1206