Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 592 Hüküm no: 927 Orijinal metin no: [75b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın Hatice Hanım’dan alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Reis mahallesinde sâkine ve zâtı mu‘arrefe Âişe bt. Ömer nâm hatun medîne-i mezbûrede mahfil-i bâbda meclis-i şer‘-i hatîrde kezâlik zâtı mu‘arrefe Hadice bt. Abdullah nâm hatun muvâcehesinde bundan akdem mezbûre Hadice Hatun bâ-ma‘rifet-i mütevellî ferâğ ve tefvîz, ol dahi tefevvüz ve kabûl eylediği bir bâb vakıf menzil bedelinden zimmetinde olan doksan guruş hakkımın yetmiş guruşunu yedinden ahz ve yirmi guruşu zimmetinde bâkī kalmağla hâlâ taleb ederim deyü da‘vâ ve mezbûre Hadice Hatun cevâbında fi’l-hakīka menzil-i mezkûru bâ-ma‘rifet-i mütevellî müdde‘iye-i mezbûreden tefevvüz ve kabûl eylediğini ikrâr lâkin yetmiş guruş bedel mukābelesinde tefevvüz etmiş idim deyü ziyâdeye tefevvüzünü inkâr etmeğin müdde‘iye-i mezbûre Âişe ber-vech-i muharrer ziyâde müdde‘âsını beyândan izhâr-ı acz edip talebiyle mezbûre Hadice Hatun gıbbe’t-tahlîfi’ş-şer‘î mûcebiyle müdde‘iye-i mezbûre Âişe Hatun da‘vâ-yı mezkûresiyle mezbûre Hadice Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-gurrei Ra sene 1206