Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 594 Hüküm no: 930 Orijinal metin no: [76a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mustafa’nın boşadığı eşi Zeynep Hanım’a mehrini ödemesi Ma‘rûz; Medîne-i Üsküdar’da Hacce Hüsni[ye] Hatun mahallesinde sâkine mu‘arrefetü’z-zât Zeyneb bt. Hasan nâm hatun medîne-i mezbûrede mahfil-i bâbda meclis-i şer‘-i hatîrde zevc-i sâbıkı es-Seyyid Mustafa b. Halil mahzarında mezbûr es-Seyyid Mustafa otuz guruş mehr-i müeccel tesmiyesiyle zevcim iken târih-i i‘lâmdan iki sene mukaddem beni tatlîk etmekle mehr-i mezkûrumu taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm otuz guruşu zevcesi müdde‘iye-i mezbûre Zeyneb Hatun’a edâsıyla mezbûr es-Seyyid Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 7 min-Ra sene 1206