Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 596 Hüküm no: 935 Orijinal metin no: [76a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Petro v. Marat’ın kiracısı olduğu dükkânı boşaltması Ma‘rûz; Medîne-i Üsküdar’da Sipâhpazarı’nda sâkin es-Seyyid Osman b. Mehmed medîne-i mezbûrede mahfil-i bâbda meclis-i şer‘-i hatîrde Petro v. Marat nâm zimmî muvâcehesinde merkūm Petro zimmî medîne-i mezbûrda vâki‘ sâlifü’z-zikr Sipâhpazarı derûnunda kâin mutasarrıf olduğum bir kıt‘a dükkânımda beher şehr kırk para ücret kavliyle müstecirim olup lâkin bu esnâda dükkân-ı mezkûrun bana lüzûmu olmağla akd-i icâreyi fesh birle dükkân-ı mezkûru gāyet-i şehr-i âtîde tahliye ve bana teslîme tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcebiyle dükkân-ı mezkûru gāyet-i şehr-i atîde tahliye ve mutasarrıfı müdde‘î-i mezbûra teslîme merkūm Petro zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 8 min-Ra sene 1206