Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 442 Hüküm no: 473 Orijinal metin no: [106a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pirinççi esnafını rahatsız eden Pirinççi Mustafa’nın, esnafın işlerine karışmaması için ferman talebi Bâ-mühr-i hazret-i efendi. Ma‘rûz. Derûn-ı arzuhâlde mastûrü’l-ism Pirinççi Mustafa dâimâ kethüdâlarına ve sâir esnâf ihtiyârlarına muhâlif ve nizâmlarına muhil işde bulunup hattâ nohudu dahi ziyâde bahâya çıkarmağa sebeb olup ve hufyeten gelen pirinci ziyâdeye iştirâ ve ziyâdeye bey‘ edip pend ü nush olundukda mütenebbih olmayıp bundan esbak İstanbul kādısı izzetlü Râşid Efendi hazretlerine dahi ahvâli ifâde olundukda hakkında i‘lâm verilmişiken yine itâ‘at etmemekle çarşımızda[n] ihrâc ve pirinççilik san‘atına ve ticâretine karışmamak üzere ahvâli i‘lâm olunmak murâdımızdır. Kethüdâları ve sâir esnâf ihtiyârları mezbûr Mustafa’nın muvâcehesinde teşekkî ve pirinççilik ticâretine müdâhale etmemek üzere fermân-ı âlî iltimâs eyledikleri huzûr-ı âlîlerine i‘lâm olundu. Ol bâbda re’y ve fermân hazret-i veliyyü’l-emrindir. Fî-gurreti Rebî‘ülevvel sene [1]143.