Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 601 Hüküm no: 945 Orijinal metin no: [77a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed’in borcunu ödemesi Ma‘rûz; Medîne-i Üsküdar’da Sipâhpazarı’nda sâkin Ali b. Ali medîne-i mezbûrede mahfil-i bâbda meclis-i şer‘-i hatîrde el-Hâc Ahmed b. el-Hâc Mustafa mahzarında mezbûr el-Hâc Ahmed târih-i i‘lâmdan bir sene mukaddem yedimden iştirâ ve kabz eylediği elbise-i mütenevvi‘a-i ma‘lûme semeninden otuz yedi buçuk guruş hakkımın yirmi dokuz buçuk guruşunu yedinden ahz ü kabz ve sekiz guruşu bâkī zimmetinde kalmağla hâlâ taleb ederim deyü da‘vâ ve mezbûr el-Hâc Ahmed müdde‘î-i mezbûr yedinden ol-mikdâr elbise iştirâsını ikrâr lâkin müdde‘î-i mezbûra kabzını mu‘terif olduğu yirmi dokuz buçuk guruşdan mâ‘adâ altı guruşu dahi def‘ u teslîm edip ancak zimmetinde iki guruş deynim bâkī kalmışdır deyü eylediği ziyâde def‘ini isbâta kādir olamayıp tahlîfe dahi tâlib olmamağla mûcebiyle meblağ-ı bâkī-i merkūm sekiz guruşu müdde‘î-i mezbûra edâya mezbûr el-Hâc Ahmed’e tenbîh olunduğu bi’l-iltimâs huzûr-ı âlîlerine i‘lâm olundu. Fî 18 min-Ra sene 1206