Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 602 Hüküm no: 946 Orijinal metin no: [77a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hanım’ın boşandığı kocası Bostânî Ahmed’den alacaklı olduğu yolundaki iddiasını ispatlayamadığı Ma‘rûz; Mahmiye-i İslâmbol’da Kocamustafapaşa kurbünde sâkine mu‘arrefetü’z-zât Fatıma bt. Ali nâm hatun medîne-i Üsküdar’da mahfil-i bâbda meclis-i şer‘-i hatîrde zevc-i sâbıkı Bostanî Ahmed b. Halil nâm kimesne mahzarında ben otuz guruş mehr-i müeccel tesmiyesiyle mezbûr Bostanî Ahmed’in zevce-i medhûlün-bihâsı iken târih-i i‘lâmdan üç sene mukaddem beni tatlîk etmekle mehr-i mezkûrumu hâlâ taleb ederim deyü ba‘de’d-da‘vâ ve’l-istintâk mezbûr Bostanî Ahmed cevâbında fi’l-hakīka müdde‘iye-i merkūme mukaddemâ ber-vech-i muharrer zevcesi olduğunu ikrâr lâkin târih-i merkūmda müdde‘iye-i merkūme mehr-i müeccel-i mezkûresinden fâriğa olup benim ile muhâla‘a-i sahîha-i şer‘iye ile hul‘ olup hukūk-ı zevciyete müte‘allika âmme-i de‘âvîden dahi zimmetimi ibrâ etmiş idi deyü eylediği def‘ini isbâta kādir olamayıp talebiyle müdde‘iye-i mezbûreye yemîn teklif olundukda yemînden nükûl etmeğin mûcebiyle müdde‘iye-i mezbûre husûs-ı mezkûrda zevc-i muhalı‘ı mezbûr Bostanî Ahmed’e bî-vech-i şer‘î mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 16 min-Ra sene 1206