Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 603 Hüküm no: 948 Orijinal metin no: [77a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın borcunu ödemesi Ma‘rûz; Medîne-i Üsküdar’da Çavuşbaşı fırınında sâkin Ekmekci İsmail b. Ahmed medîne-i mezbûrede meclis-i şer‘-i hatîrde el-Hâc Mehmed Ağa b. Ahmed mahzarında târih-i i‘lâma gelince mezbûr el-Hâc Mehmed Ağa’nın bi-şarti’r-rücû‘ emriyle menzilinde zevcesine bi’d-defa‘ât bey‘ u teslîm eylediğim nân-ı azîz semeninden zimmetinde müctemi‘ olan altmış beş guruş on dört para alacak hakkımı taleb ederim deyü da‘vâ ve mezbûr el-Hâc Mehmed Ağa cevâbında fi’l-hakīka müdde‘î-i mezbûra ber-vech-i muharrer emrini ve meblağ-ı merkūmdan ancak kırk altı guruş on dört para deyni olduğunu ikrâr ziyâde on dokuz guruş deyni olduğunu inkâr etmeğin müdde‘î-i mezbûr ber-vech-i muharrer ziyâde müdde‘âsını lede’t-tezkiye adâletleri zâhir olan Hasan b. Hüseyin ve Hüseyin b. Ahmed nâm kimesneler şehâdetleriyle ber-nehc-i şer‘î isbât etmeğin mûcebiyle meblağ-ı mecmû‘-ı merkūm altmış beş guruş on dört parayı müdde‘î-i mezbûra edâya mezbûr el-Hâc Mehmed Ağa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 12 min-Ra sene 1206