Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 604 Hüküm no: 950 Orijinal metin no: [77b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Derviş Abdullah b. Mehmed’in alacaklı olduğunu ispatlayamadığı Ma‘rûz; Medîne-i Üsküdar’da Solaksinan mahallesinde vâki‘ Hindîler Zâviyesi’nde misâfiren sâkin Derviş Abdullah b. Mehmed medîne-i mezbûrede mahfil-i bâbda meclis-i şer‘-i hatîrde Derviş es-Seyyid Emirşah b. es-Seyyid Mehmed mahzarında târih-i i‘lâmdan yedi ay mukaddem Şâm-ı Şerîf’de mezbûr es-Seyyid Emirşah yedine bi-tarîki’l-emâne vaz‘ ve teslîm eylediğim emlâkimden mecmû‘-ı kıymetleri yirmi guruşa bâliğ bir çuka biniş ve bir beyaz entari ve bir Musul abasını bana teslîm etmeyip hâlâ yedinde olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâtdan izhâr-ı acz edip talebiyle mezbûr es-Seyyid Emirşah gıbbe’t-tahlîfi’ş-şer‘î mûcebiyle müdde‘î-i mezbûr Derviş Abdullah da‘vâ-yı mezkûresiyle mezbûr es-Seyyid Emirşah’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 21 min-Ra sene 1206