Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 605 Hüküm no: 952 Orijinal metin no: [77b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. İbrahim’in on sekiz yol önceki yaralama davasının geçersiz olduğu Ma‘rûz; Medîne-i Üsküdar’da Reis mahallesinde sâkin Mustafa b. İbrahim mahfil-i bâbda meclis-i şer‘-i hatîrde vilâyet-i Rumeli’nde Debre kazâsı ahâlisinden olup medîne-i mezbûrede misâfiren sâkin Ahmed b. Mehmed mahzarında mezbûr Ahmed’in li-ebeveyn er karındaşı olup bundan akdem fevt olan Ali nâm kimesne târih-i i‘lâmdan on sekiz sene mukaddem bi-gayrı hakkın sol yanağım üzerinden ve alnımdan bıçak ile darb ü cerh etmekle mûcib-i şer‘îsini mücerred karındaşı olmağla mezbûr Ahmed’den taleb ederim deyü takrîr-i meşrûhu üzere tasaddî eylediği da‘vâsı mesmû‘a olmadığı bi’l-iltimâs huzûr-ı âlîlerine i‘lâm olundu. Fî 25 min-Ra sene 1206