Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 605 Hüküm no: 953 Orijinal metin no: [77b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin borcunu ödemesi Ma‘rûz; Medîne-i Üsküdar’da Selami mahallesinde sâkin es-Seyyid Ahmed b. Yusuf medîne-i mezbûrede mahfil-i bâbda meclis-i şer‘-i hatîrde Mehmed b. İsmail mahzarında mezbûr Mehmed Beşe târih-i i‘lâmdan dört sene mukaddem emlâkimden olup yedimden iştirâ ve kabz eylediği medîne-i mezbûre hâricinde Küçükçamlıca nâm mahâlde vâki‘ tahmînen sekiz dönüm mikdârı bir kıt‘a kürûmu mülk bağ semeninden yüz elli guruş hakkımın doksan üç guruşunu târih-i merkūmda yedinden ahz ü kabz ve bâkī elli yedi guruşu dahi beher sene tamamında yirmişer guruş vermek üzere tecîl ve taksît etmiş idim hâlâ ecel-i merkūm hulûl etmekle taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm elli yedi guruşun müdde‘î-i mezbûra edâsıyla mezbûr Mehmed Beşe ilzâm olunduğu bi’l-iltimâs huzûr-ı âlîlerine i‘lâm olundu. Fî 9 min-Ra sene 1206