Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 609 Hüküm no: 961 Orijinal metin no: [78a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Ağa’nın Tablakâr Mardıros v. Artin’e olan borcunu ödemesi Ma‘rûz; Medîne-i Üsküdar’da Eski Hamam fırınında Tablakâr Mardıros v. Artin nâm zimmî mahfil-i bâbda meclis-i şer‘-i hatîrde Ali Ağa b. Mehmed mahzarında târih-i i‘lâmdan altı ay mukaddeme gelince mezbûr Ali Ağa’nın bi-şarti’r-rücû‘ emriyle zevcesine def‘ ü teslîm eylediğim nân-ı azîz bahâsından cem‘an yetmiş guruş hakkım zimmetinde kalıp hatta bundan akdem hesâb gördüğümüzde meblağ-ı merkūm deyni olduğunu ikrâr dahi etmekle hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm Mardıros zimmî ber-vech-i muharrer müdde‘âsını beyân içün ikāmet eylediği udûlden Ali b. Mustafa ve Mehmed b. Mustafa nâm kimesneler şehâdetleriyle cihet-i mezkûreden altmış beş guruşu mezbûr Ali Ağa muvâcehesinde isbât etmeğin mûcebiyle müdde‘î-i mezbûr ziyâde müdde‘âsı olan beş guruşu beyâna ba‘de’l-havâle meblağ-ı merkūm altmış beş guruşu müdde‘î-i merkūm Mardıros zimmîye edâsıyla mezbûr Ali Ağa’ya şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 18 min-Ra sene 1206